ដល់.កលុយជិត៩ម៉ឺនដុល្លាររត់ការចូលក្របខណ្ឌនគរបាលជាតិ
ថ្ងៃទី ១០ ខែ តុលា ឆ្នាំ ២០១៨
ម៉ោង ១៣:០៩ ឃឹម ប៊ុនណាក់
ខេត្តប៉ៃលិន ៖ សមាជិកក្រយមប្រឹក្សាឃុំម្នាក់ត្រូវកម្លាំងសមត្ថកិច្ចនគរបាលឃាត់ខ្លួនកាលពីថ្ងៃទី១០ ខែតុលា ឆ្នាំ២០១៨ នេះពាក់ព័ន្ធករណីឆបោកប្រាក់យកទៅរត់ការចូលក្របខណ្ឌជាមន្ត្រីនគរបាលជាតិ ។
ជនសង្ស័យឈ្មោះ អេង ឡុង ភេទប្រុស អាយុ៥៣ឆ្នាំ មុខរបរជាសមាជិកក្រុមប្រឹក្សាឃុំស្ទឹងកាច់ រស់នៅភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ដើមចមនៃការឃាត់ខ្លួនក្រុមប្រឹក្សាឃុំខាងលើនេះ នៅថ្ងៃទី១០ ខែតុលា ឆ្នាំ២០១៨ នេះការិយាល័យជំនាញនគរបាលព្រហ្មទណ្ឌកម្រិតស្រាលខេត្តប៉ៃលិនបានទទួលពាក្យបណ្តឹងរបស់ជនរងគ្រោះឈ្មោះ គង់ ស្រី ភេទស្រី អាយុ៥៩ឆ្នាំ មុខរបរ ជាមេភូមិអូររអិល ឃុំស្ទឹងកាច់ ។
ពាក្យបណ្តឹងបានចោទប្រកាន់ឈ្មោះ អេង ឡុង ដែលខ្លួនជាក្រុមប្រឹក្សាឃុំថា បានទទួលប្រាក់ពីគាត់(គង់ ស្រី)ចំនួន ៨៩៥០០ ដុល្លារអាមេរិកស្មើនឹងមនុស្ស៤៩នាក់ដែលយកពីគេ ដើម្បីរត់ការចូលក្របខណ្ឌនគរ បាលជាតិ ខេត្តប៉ៃលិន ។
នៅពេលឃាត់ខ្លួនជនសង្ស័យក៏បានសារភាពផងដែរថា ខ្លួនពិតជាបានយកប្រាក់ជិត៩មុឺនដុល្លារពីឈ្មោះ គង់ ស្រី មែនដែលប្រាក់នោះបានយកទៅលេងល្បែង និងផឹកស៊ីអស់ហើយ ។ ជនសង្ស័យត្រូវបានសមត្ថកិច្ច កសាងសំណុំរឿងបញ្ជូនទៅសាលាដំបូងខេត្តប៉ៃលិនតាមនីតិវិធី ៕
Comments
Post a Comment