នគរបាលប្រឆាំងគ្រឿងញៀនស្រុកឆ្លូង ឃាត់ខ្លួនមុខសញ្ញាជួញដូរគ្រឿងញៀនម្នាក់
6:54 pm 8 សីហា 2018 15
ក្រចេះ ៖ នៅថ្ងៃ១២រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៨ ខែសីហា ឆ្នាំ២០១៨ នៅវេលាម៉ោង១៣និង៥០នាទី កម្លាំងជំនាញគ្រឿងញៀន នៃអធិការដ្ឋាន នគរបាលស្រុកឆ្លូង រួមជាមួយកម្លាំងប៉ុស្តិ៍រដ្ឋបាលឃុំខ្សាច់អណ្ដែត សហការជាមួយកម្លាំងប្រជាការពារភូមិ បានតាមប្រម៉ាញ់ឃ្លាំមើល និងឈានទៅបង្ក្រាមុខសញ្ញជួញដូរថ្នាំញៀន នៅចំណុចផ្លូវក្រាលគ្រួសក្រហម ខាងក្រោយភូមិព្រែកសំរោងទី១ ឃុំខ្សាច់អណ្ដែត ស្រុកឆ្លូង ខេត្តក្រចេះ ។
ជាលទ្ធផល ឃាត់ខ្លួនមុខសញ្ញាចំនួន០១ នាក់ឈ្មោះ អឿន សុគុណភេទប្រុស អាយុ ២៤ឆ្នាំ ជនជាតិខ្មែរទីលំនៅភូមិថ្មីទី២ ឃុំខ្សាច់អណ្ដែត ស្រុកឆ្លូង ខេត្តក្រចេះ ។ វត្ថុតាងចាប់យកនៅកន្លែងកើតហេតុរួមមាន៖ ម្សៅក្រាមពណ៌សសង្សយ័គ្រឿងញៀន ចំនួន០២កញ្ចប់មធ្យម ដែលជនសង្ស័យទម្លាក់ចោលទៅដី, ទូរស័ព្ទដៃចំនួន០២គ្រឿង ម៉ាកអាយហ្វូនម៉ាកណូគាចុចពិល ១ , ដែកកេះចំនួន ០២, ម៉ូតូ០១គ្រឿងម៉ាក MSX, លុយម៉ាឡេចំនួន៣សន្លឹកលេខ ៥០ មួយសន្លឹក លេខ១ចំនួន ៣សន្លឹក ដុល្លារ ១$ កាបូបដាក់លុយ ០១, ខ្សែឌុយចំនួន ០១ ។
សូមបញ្ជាក់បន្ថែម ចំពោះមុខសញ្ញាខាងលើ ជាមុខសញ្ញាជួញដូរគ្រឿងញៀនយ៉ាងសកម្មនៅក្នុងមូលដ្ឋាន និងមានឈ្មោះក្នុងបញ្ជីគ្រប់គ្រងមុខសញ្ញារបស់ប៉ុស្តិ៍រដ្ឋបាលជាប្រចាំ ។
បច្ចុប្បន្ន ជនសង្ស័យរួមទាំងវត្ថុតាង ត្រូវបានឃាត់ខ្លួន និងរក្សាទុកបណ្តាះអាសន្ននៅអធិការដ្ឋាននគរបាលស្រុកឆ្លូង ដើម្បីកសាងសំណុំរឿងតាមនីតិវិធី ៕
Comments
Post a Comment