ស្នងការនគរបាលខេត្តរតនគិរី រៀបចំពិធីប្រគល់ទទួលរថយន្តពន្លត់ អគ្គីភ័យ៦គ្រឿង ជូនដល់អធិការស្រុកចំនួន៤ស្រុក
10:10 pm 28 សីហា 2018 45
រតនគីរី៖ រសៀលថ្ងៃទី២៧ ខែសីហា ឆ្នាំ២០១៨ ស្នងការដ្ឋាននគរបាលខេត្តរតនគិរី បានរៀបចំពិធីប្រគល់ទទួលរថយន្តពន្លត់ អគ្គីភ័យចំនួន៦គ្រឿង ជូនដល់អធិការស្រុកចំនួន៤ស្រុក ក្រោមអធិបតីភាព ឯកឧត្ដម ថង សាវុន អភិបាលនៃគណអភិបាលខេត្តរតនគិរី ព្រមទាំងមានការអញ្ចើញចូលរួម ពីសំណាក់លោកឧត្តមសេនីយ៍ទោ ងួន គឿន ស្នងការនគរបាលខេត្តរតនគិរី រួមនិងលោក លោកស្រីស្នងការរង និងកងកម្លាំងនគរបាល នៃស្នងការដ្ឋាននគរបាលខេត្តរតនគិរី។
តាមរបាយការណ៍របស់លោកឧត្តមសេនីយ៍ ស្នងការ បានឲ្យដឹងថារថយន្តពន្លត់អគ្គីភ័យជាប្រភេទ ISUZU ម៉ាកFTR ផលិតឆ្នាំ២០១៧ នៅប្រទេសចិន ជារថយមន្តថ្មីគុណភាព១០០% ដែលផ្ទុកទឹកចំណុះ៦.០០០លីត្រ សាប៊ូចំណុះ២.០០០លីត្រ បាញ់បានចម្ងាយ៦០ម៉ែត្រ និងកម្ពស់ផ្ទះ៨ជាន់។
ក្នុងរបាយការណ៍បានបញ្ជាក់ឲ្យដឹងថារថយន្តពន្លត់អគ្គីភ័យដែលស្នងការដ្ឋាននគរបាលខេត្តបានទទួលពីក្រសួងមហាផ្ទៃទាំងថ្មីនិងចាស់សរុបចំនួន១១គ្រឿងដែលបានគ្របដណ្តប់៩ក្រុងស្រុកនៅទូរទាំងខេត្ត។
របាយការណ៍បានឲ្យដឹងទៀតថានេះជាលើកទី២ហើយដែលក្រសួងផ្តល់ឲ្យមានកម្រិតបរិមាណច្រើន បន្ទាប់ពី លើកទី១ ទទួលបានចំនួន៤គ្រឿងពីក្រសួងមហាផ្ទៃនិងធ្វើការបែងចែកដល់អធិការស្រុកចំនួន៤ស្រុករួចហើយដែរ។ ហើយឥឡូវនេះស្នងការដ្ឋានខេត្តបានទទួលរថយន្តពន្លត់អគ្គីភ័យ ចំនួន៦គ្រឿងថែមទៀត ក្នុងនោះក៏បានធ្វើការបែងចែក ដល់អធិការស្រុក ចំនួន៤រួមមានៈ ស្រុកអូរយ៉ាដាវ ចំនួន១គឿង ស្រុកអូរជុំ ចំនួន១គ្រឿង ស្រុកលំផាត់ចំនួន១គ្រឿង ស្រុកតាវែងចំនួន១គ្រឿង និងចំនួន២គ្រឿងទៀតទុកនៅស្នងការដ្ឋាននគរបាលខេត្តសម្រាប់ប្រើប្រាសនិងទទួលខុសត្រូវក្នុងក្រុងបានលុង មជ្ឈមណ្ឌល ជាទីប្រជុំជនដ៏ធំរបស់ខេត្ត និងសម្រាប់ចេញជួយអន្តរាគមន៍ដល់ស្រុកផ្សេងទៀតផងដែរ ៕
Comments
Post a Comment