ឃាត់ខ្លួនជនសង្ស័យ៣នាក់ករណីជួញដូរនិងប្រើប្រាស់ដោយខុសច្បាប់នូវសារធាតុញៀន
8:59 am 30 មិថុនា 2018 5
ក្រចេះ ៖ នៅថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃ២៩ ខែ ឧសភា ឆ្នាំ២០១៨ វេលាម៉ោង ១៥:៣០នាទី ក្រោមការចង្អុលបង្ហាញពីឧត្តមសេនីយ៍ស្នងការ, គណៈបញ្ជាការឯកភាពក្រុង កម្លាំងនគរបាលក្រុងក្រចេះ ដឹកនាំ ដោយលោក សោរ វុទ្ធី ព្រះរាជអាជ្ញារងអមសាលាខេត្តក្រចេះ បានចុះបង្ក្រាបឃាត់ខ្លួនជនសង្ស័យចំនួន ០៣នាក់ ។
១.ឈ្មោះ សាយ ស៊ីវ ភេទប្រុស អាយុ៣១ឆ្នាំ មុខរបរ មិនពិតប្រាកដ ទីលំនៅភូមិដូនជ្រាំ សង្កាត់ក្រចេះ ក្រុងក្រចេះ
២.ឈ្មោះ សោម សុរិន ភេទប្រុស អាយុ៣៦ឆ្នាំ មុខរបរមិនពិត ប្រាកដ ទីលំនៅភូមិដូនជ្រាំ សង្កាត់ក្រចេះ ក្រុងក្រចេះ
៣.ឈ្មោះ សុខ ស៊ាវវេញ ភេទប្រុស អាយុ២៥ឆ្នាំ ទីលំនៅ ភូមិដូនជ្រាំ សង្កាត់ក្រចេះ ក្រុងក្រចេះ ពាក់ព័ន្ធករណី ជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចខ្នង ទំនប់ ស្ថិតក្នុងភូមិដូនជ្រាំ សង្កាត់ក្រចេះ ក្រុងក្រចេះ ខេត្តក្រចេះ
ដកហូតវត្ថុតាង ៖ ម្ស៉ៅក្រាមពណ៌សចំនួន ០៣កព្ចាប់ , ទុយោ សម្រាប់ចូករំលែកគ្រឿងញៀនចំនួន០៤, ថង់សម្រាប់ច្រករំលែក គ្រឿងញៀនមួយចំនួន,ឧបករណ៍សម្រាប់ជក់គ្រឿងញៀនមួយចំនួន។
បច្ចុប្បន្នជនសង្ស័យទាំង៣នាក់ និង វត្ថុតាង ត្រូវបានឃាត់ និង រក្សាទុកជាបណ្តោះ អាសន្ន នៅអធិការដ្ឋាននគរបាលក្រុងក្រចេះ ដើម្បីកសាងសំណុំរឿងតាមនីតិវិធី ៕
Comments
Post a Comment