នគរបាលស្រុកឆ្លូង ផ្សព្វផ្សាយអប់រំប្រជាពលរដ្ឋអំពីភូមិ-ឃុំមានសុវត្ថិភាព ក្នុងវេទិកាផ្សព្វផ្សាយនិងពិគ្រោះយោបល់
នគរបាលស្រុកឆ្លូង ផ្សព្វផ្សាយអប់រំប្រជាពលរដ្ឋអំពីភូមិ-ឃុំមានសុវត្ថិភាព ក្នុងវេទិកាផ្សព្វផ្សាយនិងពិគ្រោះយោបល់
ក្រចេះ ៖ នៅថ្ងៃព្រហស្បត្តិ៍ ១រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែមិថុនា ឆ្នាំ២០១៨ វេលាម៉ោង៨និង៣០នាទី នៅចំណុចវត្តសិលានទី ស្ថិតក្នុងភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ មានប្រារព្ធវេទិកាផ្សព្វផ្សាយ និងពិគ្រោះយោបល់ជាមួយប្រជាពលរដ្ឋ ស្ដីសមិទ្ធផល និងបញ្ហាប្រឈមនានា លើការងារអភិវឌ្ឍន៏ដែលក្រុមប្រឹក្សាស្រុកសម្រេចបានកន្លងមក ក្រោមអធិបតីភាពលោក ហេង ឡេង ប្រធានក្រុមប្រឹក្សាស្រុកឆ្លូង លោក ធីម ស៊ាងឡេង អភិបាលរងស្រុកឆ្លូង និងលោកវរសេនីយ៍ឯក ឆុង តូរ៉ាន់ អធិការនគរបាលស្រុកឆ្លូង ។
ឆ្លៀតក្នុងឱកាសនោះ កម្លាំងផ្នែកប្រឆាំងបទល្មើសគ្រឿងញៀន និងជំនាញសណ្ដាប់ធ្នាប់សហការ ជាមួយកម្លាំងប៉ុស្តិ៍រដ្ឋបាលឃុំឆ្លូង បានចុះផ្សព្វផ្សាយអំពី ៖
-ច្បាប់ចរាចរណ៍ផ្លូវគោក (អនុក្រឹត្យលេខ៤៤ អនក្រ)
-ល្បែងស៊ីសងខុសច្បាប់ គ្រប់ប្រភេទ
-ផលប៉ះពាល់នៃគ្រឿងញៀន ៩ចំណុច
-គ្រោះអគ្គីភ័យផ្សេងៗ
-ច្បាប់អំពើហិង្សាលើស្ត្រី និង កុមារ
-គ្រោះថ្នាក់អាវុធយុទ្ធភ័ណ្ឌមិនទាន់ផ្ទុះ ដែលមានប្រជាពលរដ្ឋចូលរួមចំនួន៦២នាក់ ស្រី៣២នាក់ចំនួន និងក្រុមការងារចំនួន៤៩នាក់ ស្រីចំនួន៩នាក់ សរុប១១១នាក់ ស្រី៤១នាក់ ចែកខិត្តប័ណ្ណបានចំនួន៦២ សន្លឹក ៕
Comments
Post a Comment