នគរបាលស្រុកស្នួលបង្ក្រាបឃាត់ខ្លួន មុខសញ្ញាជួញដូរគ្រឿងញៀន២នាក់
នគរបាលស្រុកស្នួលបង្ក្រាបឃាត់ខ្លួន មុខសញ្ញាជួញដូរគ្រឿងញៀន២នាក់
ក្រចេះ ៖ បុរស២នាក់ជាមុខសញ្ញាជួញដូរគ្រឿងញៀន ត្រូវបានកម្លាំងនគរបាលស្រុកស្នួល ស្រាវជ្រាវចាប់ខ្លួនបានជាបន្តបន្ទាប់ នៅថ្ងៃទី២៥ ខែមិថុនា ឆ្នាំ២០១៨ នៅក្នុងឃុំស្នួល ស្រុកស្នួល ខេត្តក្រចេះ ។
អធិការនគរបាលស្រុកស្នួល លោកវរសេនីយ៍ឯក ចាន់ សុខគីម បានឲ្យដឹងថា ជនសង្ស័យទាំង២នាក់មានឈ្មោះ ស៊ិន លិ អាយុ៤០ឆ្នាំ និងឈ្មោះ រុន ប៊ុនថន អាយុ៣៤ឆ្នាំ ពួកគេទាំង២នាក់ រស់នៅឃុំស្នួល ស្រុកស្នួល។ ក្នុងនោះក៏ដកហូតបានគ្រឿងញៀនប្រភេទម្សៅក្រាមពណ៌ស មួយចំនួនធំទៀត ។
បើតាមលោកវរសេនីយ៍ឯក ចាន់ សុខគីម បានបព្ជាក់ថា អនុវត្តតាមស្មារតីណែនាំ និងតាមការចង្អុលបង្ហាញពីសំណាក់លោកឧត្តមសេនីយ៍ទោ លន់ សុផាត ស្នងការនគរបាលខេត្ត និងលោក កែវ សុជាតិ ព្រះរាជអាជ្ញាអមសាលាដំបូងខេត្ត កម្លាំងនគរបាលស្រុកនៅតែបន្តធ្វើការស្រាវជ្រាវស៊ើបអង្កេតលើជនជាមុខសញ្ញាគ្រឿងញៀនតូចនិងធំ ផ្សេងទៀតដើម្បីឈានដល់ធ្វើការបង្ក្រាបចាប់ខ្លួន ។ បច្ចុប្បន្ន កម្លាំងជំនាញកសាងសំណុំរឿងអនុវត្តតាមនីតិវិធី ៕
Comments
Post a Comment