នគរបាលប៉ុស្តិ៍ពង្រ និងមន្ទីរអប់រំខេត្តក្រចេះ ចុះផ្សព្វផ្សាយផលប៉ះបាល់នៃគ្រឿងញៀន នៅអនុវិទ្យាល័យពង្រ
ក្រចេះ ៖ នៅថ្ងៃព្រហស្បតិ៍្ត ១រោច ខែបឋមសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៨ ខែមេសា ឆ្នាំ២០១៨ វេលាម៉ោង៨និង០០នាទី កម្លាំងនគរបាលប៉ុស្ដិ៍រដ្ឋបាលឃុំពង្រ និងក្រុមប្រឹក្សាឃុំ បានចូលរួមជាមួយលោកអនុប្រធានមន្ទីអប់រំ យុវជន និងកីឡាខេត្តក្រចេះ និងក្រុមការងារ បានផ្សព្វផ្សាយផលប៉ះពាល់នៃគ្រឿងញៀន និងច្បាប់ស្តីពីការត្រួតពិនិត្យគ្រឿងញៀន នៅអនុវិទ្យាល័យពង្រ ឋិតក្នុងភូមិពង្រ៣ ឃុំពង្រ ស្រុកឆ្លូង ខេត្តក្រចេះ។
ក្នុងនោះបានចែកជូនច្បាប់ស្តីពីការត្រួតពិនិត្យគ្រឿងញៀន ក៏ដូចជាសារអប់រំ ស្តីអំពី ៖
-ច្បាប់ចរាចរណ៍ផ្លូវគោក (អនុក្រឹត្យលេខ៤៤ អនក្រ)
-ល្បែងស៊ីសងខុសច្បាប់ គ្រប់ប្រភេទ
-ផលប៉ះពាល់នៃគ្រឿងញៀន ៩ចំណុច
-គ្រោះអគ្គីភយ័ផ្សេងៗ
-ច្បាប់អំពើហិង្សាលើស្ត្រី និង កុមារ
-គ្រោះថ្នាក់អាវុធយុទ្ធភ័ណ្ឌមិនទាន់ផ្ទុះ
-គោលនយោបាយភូមិ-ឃុំមានសុវត្ថិភាពទាំង ៩ចំណុចរបស់រាជរដ្ឋាភិបាល។
ក្នុងនោះមានប្រជាពលរដ្ឋចូលរួមចំនួន៦៣ នាក់ ស្រី៣៣ នាក់ និងចែកច្បាប់បានចំនួន ៦៣ សន្លឹក ៕
Comments
Post a Comment