នគរបាលស្រុកស្នួលបង្ក្រាបករណីចែកចាយគ្រឿងញៀន ឃាត់ខ្លួនជនសង្ស័យ១នាក់
ក្រចេះ ៖ នៅថ្ងៃទី២០ ខែមិថុនា ឆ្នាំ២០១៨ វេលាម៉ោង១១និង១៥ព្រឹក នៅចំណុចគីឡូម៉ែត៤៨ក្នុងភូមិគ្រញូងសែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ កម្លាំងជំនាញសហការជាមួយនគរបាលប៉ុស្តិ៍រដ្ឋបាលគ្រញូងសែនជ័យ ចុះបង្ក្រាបករណីជួញដូរចែកចាយនូវសារធាតុញៀនខុសច្បាប់ឃាត់ខ្លួន១នាក់ និងដកហូតវត្ថុតាងមួយចំនួន ។
ជនសង្ស័យឈ្មោះ ពេជ ផាន់ណា ហៅក្រៅ វ៉ា ភេទប្រុស អាយុ៣១ឆ្នាំ ទីលំនៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ វត្ថុតាងរួមមាន៖ ១.ម្សៅក្រាមពណ៌សដូចបីចេងសង្ស័យថាជាសារធាតុញៀនចំនួន ០៥កញ្ចប់មធ្យម ០៣កញ្ចប់តូច , ២.ជញ្ជីងសម្រាប់ថ្លឹងសារធាតុញៀនចំនួន១, ៣.ទូរស័ព្ទដៃចំនួន០២គ្រឿង , ៤.ថង់សម្រាប់វេចខ្ចប់មួយចំនួន , ៥.ប្រាក់ចំនួន១៣១០០០រៀល, ៦.ម៉ូតូ០១គ្រឿងម៉ាកហុងដាឌ្រីម ។
បច្ចុប្បន្នជនសង្ស័យខាងលើ ត្រូវបានឃាត់ខ្លួនដើម្បីកសាងសំណុំរឿងអនុវត្តតាមនីតិវិធី ៕
Comments
Post a Comment